Засгийн газрын хуралдаанаар дараах асуудлыг хэлэлцэж байна

Засгийн газрын ээлжит хуралдаан Төрийн ордонд үргэлжилж байна. Хуралдаанаар дараах асуудлуудыг хэлэлцэнэ.

-Шинэ сэргэлтийн бодлогын хүрээнд хэрэгжиж буй төслүүдийн явц

-Агаарын тээврийн салбарт хэрэгжүүлэх арга хэмжээ

-Төсвийн хөрөнгөөр хийгдэж буй геологи судалгааны ажлын танилцуулга

-Чөлөөт бүсийн ажлыг эрчимжүүлэх тухай

-Төрийн үйлчилгээг цахимжуулах төслүүдийн талаар зэрэг 20 гаруй асуудал хэлэлцэж, шийдвэрлэхээр болсон байна.

Засгийн газар долоо хоног бүрийн лхагва гариг бүр хуралдах товтой. Өмнөх хуралдаанаар дараах асуудлуудыг шийдвэрлэж, Ерөнхий сайд зарим үүргийг сайд нарт өгсөн юм.

-Байнгын асаргаатай хүүхдээ хараад хөдөлмөр эрхлэх боломжгүй эцэг эхийн эрүүл мэндийн даатгал, тэтгэврийн даатгалын шимтгэлийг улсын төсвөөс төлнө.

-Хөгжлийн бэрхшээлтэй хүн ажилладаг эмнэлгийн мэргэжилтэн, хөгжлийн бэрхшээлтэй хүүхэдтэй ажилладаг багшийн цалин, урамшууллыг нэмэгдүүлэх талаар судалж, танилцуулахыг холбогдох сайд нарт даалгав.

-Бага орлоготой, байнгын асаргаа шаарддаг хөгжлийн бэрхшээлтэй гэр бүлийн гишүүнтэй айл өрхөд орон сууцны дэмжлэгт нэн тэргүүнд хамруулахыг БХБ-ын сайдад даалгав.

-Байнгын асаргаатай болон сэтгэцийн бэрхшээлтэй иргэдэд зориулсан асрамжийн газар байгуулах талаар судлахыг сайд нарт даалгав.

-Уналт, таталттай хүүхдийн хөнгөвчлөх хагалгааг нутагшуулж, эмийг нь 100 хувь улсаас даана.