ХӨВСГӨЛ АЙМГИЙН ЦАГААН – УУЛ СУМЫН ЭРҮҮЛ МЭНДИЙН ТӨВД МЭС ЗАСЛЫН ТУСЛАМЖ ҮЙЛЧИЛГЭЭГ ӨРГӨЖҮҮЛЭХ АРГА ЗҮЙН МЭРГЭЖЛИЙН ЗӨВЛӨХ БАГ АЖИЛЛАЖ БАЙНА.

Эрүүл мэндийн газрын даргын 2021 оны 10 сарын 10-ны удирамжийн дагуу 2021 оны 10 сарын 24-25 –ны өдрүүдэд Цагаан Уул сумын ЭМТ –д баг ажиллаж байна.

Тусламж үйлчилгээ үзүүлэх зөвлөх багийн бүрэлдэхүүнд Аймгийн Эрүүл мэндийн газрын дарга М.Үүрийнбаяр, МУ-ын төрийн соёрхолт , хүний гавьяат эмч , АУ-ны доктор мэс заслын эмч О.Сэргэлэн эмч, аймгийн Нэгдсэн эмнэлгийн дарга Г.Оюунжаргал , хавдрын эмч Б.Баттүвшин нар ажилласан.

ЭМГ-ын дарга М.Үүрийнбаяр нарийн мэргэжлийн тусламж үйлчилгээг өргөжүүлэхээр хэрэгжиж буй бодлого, үйл ажиллагааны танилцуулга, Гавьяат эмч О.Сэргэлэн мэс заслын тусламж үйлчилгээний чиглэлээр танилцуулга тус тус хийж, багийн гишүүдийн хамт зөвлөн тусалж ажилласан.

Мөн арга зүйн зөвлөгөө дэмжлэг үзүүлэхээс гадна тус суманд

цөсний чулуу авах мэс засал 1, цөсний хагалгаа 1, дуудлагаар ирсэн иргэний мухар олгойн үрэвсэл авах хагалгаа 1, цавьны ивэрхийтэй 1 өвчтөний хагалгаа хийгдлээ.

Сум орон нутгийн зүгээс сумын Засаг дарга С.Гончигням , ИТХТ-ын дарга Н.Алтанбаатар нар ирж , ажлын хэсэг болон мэс заслын багийн нийт бие бүрэлдэхүүнд баяр хүргэж талархал гардуулсан байна.