АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН ДАРГА МОНГОЛЫН БЭЛЧЭЭР АШИГЛАГЧДЫН НЭГДСЭН ХОЛБООНЫ УДИРДЛАГУУДЫГ ХҮЛЭЭН АВЧ УУЛЗЛАА.

Аймгийн иргэдийн Төлөөлөгчдийн Хурлаас баталсан аймгийн Засаг даргын 2021-2024 онд хэрэгжүүлэх үйл ажиллагааны хөтөлбөрт тусгагдсан “Хамтын оролцоо- Хариуцлагатай засаглал” дэд хөтөлбөрийн хүрээнд хийгдэж буй Хөвсгөл аймаг бэлчээр ашиглагчдыг хариуцлагажуулах журамтай болохоор төлөвлөн ажиллаж байгаа. Тус ажлын хүрээнд Монголын бэлчээр ашиглагчдын нэгдсэн холбоо зөвлөх үйлчилгээ үзүүлж, хамтарч ажиллаж байна.

Монголын бэлчээр ашиглагчдын нэгдсэн холбооны удирдлагууд тус зөвлөх үйлчилгээний ажлын хүрээнд аймгийн иргэдийн Төлөөлөгчдийн Хурлын даргатай уулзаж, журмын төслийг танилцуулж, санал солилцлоо.

Мөн Баянзүрх суманд “Малын гаралтай түүхий эдийн бүтээгдэхүүний гарал үүслийг мөшгих систем”-ийг нэвтрүүлэх үйл ажиллагааны талаар танилцуулж, цаашид бусад сумдад нэвтрүүлэх, ингэснээр малчдаа хариуцлагатай болгох, бэлчээрийн даацад тохирсон мал аж, ахуйтай болгох, малынхаа чанарыг сайжруулах, малчдын амжиргааг дээшлүүлэх гэсэн асуудлаар ярилцаж санал бодлоо хуваалцлаа.