ЦАХИЛГААН МАШИНЫГ 3000 ТӨГРӨГӨӨР ЦЭНЭГЛҮҮЛЭЭД 60-80 КМ ЯВАХ БОЛОМЖТОЙ

1-2 ЛИТР ШАТАХУУНЫ МӨНГӨӨР 60-100 КМ ЗАМЫГ ТУУЛАХ БОЛОМЖТОЙ 

Өчигдөрийн засгийн газрын хуралдаанаар цахилгаан машиныг хэрэглээнд нэвтрүүлэх асуудал яригдсан. Цахилгаан машиныг сонирхох иргэд их байгаа ч хөдөө орон нутагт машины цэнэглэгч 1 ч байхгүй байна. Тиймээс цахилгаан машиныг хөдөө орон нутагт ашиглах боломж хомс байна. 

Цахилгаан машины хэрэглээг нэмэгдүүлэх нь агаарын бохирдол багасахаас гадна, эдийн засгийн өндөр ач холбогдолтой. Гэвч гэнэт олноор хэрэглэх дэд бүтэц монгол улсад хангалтгүй байна. Цахилгаан машиныг цэнэглэхэд 1 квт цагийг нь 300 төгрөгөөр тооцдог. Мөн 1 машиныг 60-80 минутад бүрэн цэнэглэдэг юм байна. 1 цэнэглэгчээр хоногт 20 гаруй машиныг цэнэглэх боломжтой.

Монгол улсад 1,2 сая машин бүртгэлтэй байдаг. Үүнээс ердөө 492 нь л цахилгаан машин байгаа нь чамлалттай тоо юм. Цахилгаан машиныг импортын татвараас чөлөөлж, дугаарын хягзаарлалтгүй зөрчих боломжтой болгосон. Цаашдаа цэнэглэх цэгүүдийг олноор байгуулах шаардлагатай байна. Цахилгаан машиныг  нэвтрүүлэхэд эрчим хүчний салбарт хүндрэл үүсэхгүй гэдгийг засгийн газраас мэдэгдээд байгаа юм.

Дэлхий нийтээрээ цахилгаан машины хэрэглээг дэмжиж байна. БНХАУ-д үйлдвэрлэсэн Хон Гуан Мини цахилгаан автомашин борлуулалтаараа АНУ-ын Тесла компанийг хол давсан байна. Чили улсын засгийн газар  л гэхэд 2035 оноос утаа ялгаруулдаг машины худалдааг хориглохоор болжээ. Монгол улсад байгаа цахилгааны машины ихэнх нь Nissan leaf  гэх машин байна. Энэхүү машин нь монгол улсад хамгийн их явж байгаа Toyota PRIUS  маркийн машинтай дүйцэх үнэтэй. Тиймээс хэрэглээнд нэвтрэх бүрэн боломжтой юм