НАРКОЛОГИЙН ТӨВД 19 НАСТАЙ ОХИД АРХИНААС ГАРГАХ ЭМЧИЛГЭЭ ХИЙЛГЭЖ БАЙНА
Монгол улсад архинд донтох эмгэгтэй 90,000 иргэн байна гэсэн албан бус тооцоолол бий. Улсдаа ганц байдаг наркологийн төвд жилд 1400-2000 гаруй хүн хэвтэн эмчлүүлж байна. Архинд донтох эмгэгээр өвчлөсөн иргэд ихэвчлэн гэр бүлийн асуудлаас болж ууж эхэлсэн гэдгийг хэлдэг байна. Архи урт хугацаанд хэрэглэсэн хүний хажууд удаан хугацаанд хамт байсан гэр бүл нь ч тодорхой хэмжээний эмгэгтэй болдог. Тиймээс архидалт нь архинд донтсон 1 хүний асуудал биш гэр бүлийн асуудал, том зургаар нь харвал нийгмийн асуудал болоод удаж байна.
Архинд донтох эмгэг нь 5 үе шаттай. Аль болох эрт эмнэлэгт хандсанаар архинд донтох сэдлээ дарж чадна гэсэн үг юм. Монгол улс архинд донтох эмгэгийг эмчлэдэг Наркологийн төв, сэтгэцийн эрүүл мэндийн үндэсний төв гэсэн 2 улсын эмнэлэг байна. Наркологийн төвийн ор дүүрсэн, цаана нь хэвтэн эмчлүүлэхээр хүлээж байгаа 140 гаруй хүн байна одоогийн байдлаар байна . Иргэд донтолтын үе шатаас хамаарч 7-21 хоног эмнэлэгт хэвтэн эмчлүүлж байна. Архинд донтох эмгэг насны хязгааргүй болсон. Өнөөдрийн байдлаар л гэхэд Наркологийн төв эмнэлэгт 19 настай архинаас гаргах эмчилгээ хийлгэж байна.
Айлд нэг л архины хамааралтай хүн байх нь тухайн гэр бүлийн тав тух, амар амгалан байдал, хүүхдийн хүмүүжил гээд бүх зүйлд нөлөөлж байдаг. Тиймээс архинд донтсон хүнийг эмчлэхээс гадна тэдний гэр бүлийн сэтгэл зүйг давхар эмчлэх шаардлагатай байдаг юм. Гэр бүртэй нь уулзаж эмчлээгүй тохиолдолд архины хамааралтай хүний хажууд байсаар байгаад дасал болсон сэтгэл зүйн өөрчлөлт нь “архинаас гарах эмчилгээ” хийлгэсэн хүндээ эргэн сөргөөр нөлөөлдөг гэдгийг эмч хэлж байна.
Хүн өөрт байгаа таагүй сэтгэл хөдлөлөө дарахын тулд архийг хэрэглэдэг. Гэвч улс орны хэмжээнд архины хамааралтай болсон хэдэн хүн байгаа талаарх судалгаа огт байхгүй. Мөн архины эмчилгээ хийх тасаг орон нутагт огт байхгүй байна. Архинд донтсон хүмүүс “Би архинд донтсон” гэж хүлээн зөвшөөрч чаддагүй. Мөн архинд донтсон хүмүүстэй ярилцах хүн тэр бүр байдаггүй. Тиймээс өөрийн голох, хэт стрест автаснаас үүдэн буруу шийдвэр гаргах ч тохиолдол байдаг байна. Тиймээс донтолтын эмчилгээ, сэтгэл заслын эмчилгээг илүү хүртээмжтэй болох шаардлагатай байна.
