ДОНОРЫН НАСЫГ 21 БОЛГОСНООР 235 МЯНГАН ИРГЭН ДОНОР БОЛОХ БОЛОМЖТОЙ
УИХ-ын хурлаар 2000 онд анх удаа Донорын тухай хуулийг батлаж байсан. 2018 оны нэгдүгээр сарын 19-ны өдөр шинэчлэсэн найруулгаар баталсан. Мөн 2021 онд 2 удаа өөрчлөлт оруулж байсан. Гэсэн ч энэүү хууль шаардлагад бүрэн нийцэж чадахгүй байна гэж үзэж байна. Одоо мөрдөгдөж байгаа Донорын тухай хуулийн
14-р зүйл Амьд донороос эс,эд,эрхтэн авах
14.1 Эрүүл мэндийн шаардлага хангасан, сэтгэцийн хувьд эрүүл, 25 насанд хүрсэн эс, эд, эрхтнээ өгөх тухай зөвшөөрлөө бичгээр гаргасан донороос түүний амь насанд аюул учруулахгүйгээр эмнэлгийн нөхцөлд эс, эд, эрхнийг авна гэж заасан.
25 нас гэж хатуу заасан нь гэр булийнхээ хэн нэгэнд донор болох хүсэлтэй байгаа ч хуулийн зохицуулалтаас болж өөр донор хүлээх тохиолдол элбэг байна. 24 нас 8 сартай аав, ээждээ донор болж чадахгүй байгаа тохиолдол элбэг байдаг байна.
2021 оны 9-р сараас 2022 оны 3-р сар хүртэл буюу зургаан сарын хугацаанд гадагшаа эмчлүүлээх явсан нийт 26 гэр бүл байна. Эдгээр гэр бүлүүд эрхтэн шилжүүлэн суулгуулахын тулд 7,5 тэрбум төгрөгийн зарцуулжээ. Хэрвээ Донорын тухай хуулийнд өөрчлөлт оруулбал гадагшаа эмчилгээнд явах урсгал багасна гэж үзэж байгаа юм.
Үндсэндээ донор болох хүсэлтэй иргэдийн насыг 21 болгож хуульчлах нь олон иргэний амь насыг хамгаалах боломж гэж харж байна. Цаашдаа ч энэхүү хуулинд дахин өөрчлөлт оруулах шаардлага бий гэж үзэж байна. Одоогийн байдлаар донорын тухай хуулинд цусны донор, эрхтэний донорын эрх үүрэг хамт багтсан байгаа. Цаашид энэхүү хуулийг 2 тусд нь авч,үзэн илүү нарийвлах шаардагатай гэж үзэж байгаа юм. Жишээлбэл эрхтэний донор болсон хүн 1 жилийн хугацаанд хатуу дэглэм барьдаг, хүнд хүчир ажил хийж чаддагүй. Тиймээс донор болсон хүний амьдралын баталгааг хангадаг болох шаардлагатай.
Манай улсын бөөр, элэг, нүдний эвэрлэг бүрхэвч, зүрх, нойр булчирхай шилжүүлэн суулгах эмчилгээ шаардлагатай иргэд хамгийн их байдаг байна. Одоогийн байдлаар бөөр шилжүүлэн суулгах эмчилгээ хийлгэх шаардлагатай өвчтөний жагсаалтанд 350, элэг шилжүүлэн суулгах хүлээх жагсаалтанд 250 гаруй иргэн донор хүлээж байна. Донорын насыг 21 болгосноор эдгээр хүмүүсээс хагалгаанд орох магадлал нэмэгдэнэ гэсэн үг юм.